Пишува: Ивон Величковски
“Гаранции” за македонскиот идентитет не се издаваат на потврда со закачена фискална сметка.
За мојот етнички, македонски идентитет проткаен низ мојот мајчин македонски јазик, култура, општествено однесување и сл. не разговарам, а не пак да барам некој да ми го “гарантира”.
Ниту полемизирам како етнички се чувствува било кој припадник на нацијата на Северна Македонија или припадник на друга нација.
Македонскиот идентитет и јазик се гарантирани низ ОН, Преспанскиот договор, се до Преговарачката рамка со ЕУ и договорите што ги потпишуваме потоа, формално или фактички, соодветно на споменатите акти.
ЕУ конкретно е заедница на држави и наднационална творба.
Се останато е последица на заглавеноста на ВМРО-ДПМНЕ во партиската реторика за доаѓање на власт – но во втората година од своето владеење.
Прифаќањето на СДСМ сега да “бара” гаранции од Софија има иста цел, но гротескен лик.
Оттука обидот на премиерот Мицкоски да го набеди екс-министерот за надворешни, Османи за штета по македонскиот идентитет, се само израз на немоќ во надворешната политика на Владата, бидејќи на Мицкоски:
-никој не му прифати ширење на кавгата надвор, па сега мора да се кара дома, и
– со Извештајот на ЕП му е понудена политичко-реторичка отстапница за да си ја врати Владата на интегративната политика, доколку не инсистира на триумфализам и злоупотреба на дефиницијата.
Ништо повеќе и ништо помалку, со ограничен рок на важење на понудата.