Видео снимка од концерт на Coldplay во Масачусетс стана вирална преку ноќ, откако фронтменот Крис Мартин ненамерно прикажа интимен момент помеѓу извршниот директор на американската технолошка компанија Astronomer, Енди Бајрон, и директорката за човечки ресурси, Кристин Кабот.
Инцидентот се случи додека бендот спонтано вклучи публика на големото платно, дел од нивното препознатливо интерактивно шоу. Бајрон и Кабот беа снимени додека се прегрнуваа, по што наводно се обиделе да го сокријат лицето. Коментарот на Мартин: „Погледнете ги овие двајца… или се во афера или се срамежливи“ предизвика лавина шпекулации на интернет.
Во продолжение се шест фактори кои придонесоа видеото да стане глобален скандал:
1. Јавна експозиција во живо:
Настанот се случи пред илјадници фанови. Настапите на Coldplay често вклучуваат моментални камери насочени кон публиката – овојпат, снимката откри многу повеќе од еуфорија.
2. Коментарот на Крис Мартин:
Изјавата на пејачот, иако шеговита, се толкуваше како поттик за сомнежи околу природата на односот меѓу Бајрон и Кабот.
3. Моќта на социјалните мрежи:
Клиповите се проширија експлозивно на TikTok, X и Instagram. Еден од нив веќе има над 46.500 прегледи. Интернет-корисници активно споделуваат мемиња и хумористични објави.
4. Онлајн истражувачи открија идентитети:
Корисници идентификуваа дека станува збор за првиот човек на Astronomer и неговата HR директорка, со помош на официјалната страница на компанијата.
5. Потенцијална канцелариска афера:
Можноста за вонбрачна врска меѓу директор и HR директорка привлече внимание, потсетувајќи на случаи како оној со поранешниот директор на McDonald’s, кој беше отпуштен поради романтична врска со колешка.
6. Меме-култура:
Интернетот експлодираше со сатирични содржини – од корисници кои се оградуваат од „тој“ Енди Бајрон, до шпекулации дека наскоро ќе има слободни работни места во Astronomer.
Некои компании се приклучија на трендот – дури и Netflix сподели хумористична објава поврзана со случајот.
Иако не е познато дали ќе има последици за Бајрон и Кабот, обложувачката платформа Kalshi процени дека постојат 45% шанси тој да се повлече од функцијата.