Претседателот на Албанија, Бајрам Бегај, денеска го декретираше новиот владин кабинет, неколку дена откако по четврти пат го именуваше Еди Рама за премиер.
Од листата на министри отсуствува виртуелната министерка за јавни набавки, Диела, која беше дел од претходните кадровски најави.
Според соопштението од кабинетот на претседателот, процедурата ќе биде завршена во наредните денови по одобрување на програмата и составот на Владата од страна на парламентот, по што ќе се одржи свечениот чин на заклетва.
Меѓу назначените се Белинда Балуку како вицепремиерка и министерка за инфраструктура и енергетика, Албана Коциу за внатрешни работи, Елиса Спиропали за Европа и надворешни работи, Петрит Малај за финансии и Пиро Венгу за одбрана.