Во средата, на Универзитетот на Југоисточна Европа се одржа трибина на тема „Поврзаноста меѓу образованието и пазарот на трудот“, организирана во рамки на проектот ChallengeEU.
Целта на настанот беше да се поттикне соработката меѓу универзитетите, бизнис-секторот, јавните институции и организациите на граѓанското општество, според моделот на четирикратната спирала (quadruple helix).
На отворањето се обрати ректорот на УЈИЕ, проф. д-р Садудин Ибраими, кој ја истакна посветеноста на Универзитетот кон создавање конкретни можности за студентите и партнерите преку иновативни и колаборативни платформи.
Потоа, акад. проф. д-р Абдилменаф Беџети одржа мотивирачки говор, нагласувајќи ја важноста на моделот на четирикратната спирала за зајакнување на врските меѓу образованието, индустријата, владата и заедницата.
Проф. д-р Вели Кречи го претстави проектот ChallengeEU, додека Шпреса Алија зборуваше за својата улога како службеник во M.A.R.K.E.T. Потоа, Хамит Камбери ја презентираше Дигиталната M.A.R.K.E.T. Центра, објаснувајќи ги нејзините функции и можностите што им ги нуди на институционалните и приватните партнери.
На трибината присуствуваа претставници на партнерски компании и засегнати страни.
M.A.R.K.E.T. (Mapping, Awareness Raising, Knowledge Exchange and Training) претставува дигитален центар и колаборативна платформа создадена од УЈИЕ во рамки на проектот ChallengeEU, со цел да го поврзе универзитетот со бизнисите, јавните институции и организациите на граѓанското општество.