Народната банка на Северна Македонија оваа година одбележува 80 години институционализирано централнобанкарско работење, истакнувајќи ја својата долгорочна улога во одржување на макроекономската стабилност и развојот на финансискиот систем.
Од банката соопштија дека јубилејот ја рефлектира динамичната и одговорна еволуција на институцијата, обележана со постојани трансформации и прилагодување на современите економски и финансиски предизвици.
„Овие осум децении сведочат за стабилноста, довербата и компетентноста на нашата институција во обезбедување сигурен и функционален финансиски систем за граѓаните и бизнис заедницата“, изјавија од Народната банка.
Во текот на своето постоење, банката реализираше значајни проекти и иницијативи насочени кон унапредување на платежниот систем, развој на домашните финансиски пазари и поддршка на економскиот раст на земјата.