Астрономската пролет на северната хемисфера започнува денес во 15:46 часот, додека на јужната полутопка во исто време настапува есента, покажуваат податоците од астрономските друштва.
Првиот ден од пролетта е 79-тиот ден во годината и ќе трае 12 часа и 8 минути, со постепено продолжување на денот во наредниот период.
Сезонските климатски прогнози укажуваат дека голем дел од светот влегува во потопол период од вообичаеното, додека сигналите за врнежи остануваат понеизвесни.
Во Скопје, времето денеска ќе биде променливо облачно со сончеви периоди и умерен, повремено засилен северен ветер. Температурите ќе се движат од минус 2 до 3 степени Целзиусови наутро, до максимални 8 до 16 степени во текот на денот.
Метеоролозите предупредуваат дека, и покрај календарскиот почеток на пролетта, утринските и вечерните часови ќе останат студени во наредните денови.