12.8 C
Скопје
21 ноември, 2026
Inbox7.mk
ВЕСТИРЕПУБЛИКА

Македонија меѓу топ 30 во светот за сајбер-безбедност – ВМРО-ДПМНЕ заслугата ја припишува на реформите

Северна Македонија се искачила на 30. место во светот според Националниот индекс за сајбер-безбедност, што е напредок од 29 позиции во споредба со 2023 година, соопшти ВМРО-ДПМНЕ, оценувајќи дека резултатот е последица на новите политики и законски решенија во оваа област.

Според партијата, земјата освоила 84,17 поени и е рангирана на 30. место меѓу 155 држави опфатени со индексот што го изработува естонската Академија за е-управување. Во 2023 година Северна Македонија била на 59. позиција.

ВМРО-ДПМНЕ оценува дека напредокот покажува оти Владата воспоставува „сериозен, организиран и системски пристап“ кон сајбер-безбедноста.

Како еден од клучните чекори партијата ја посочува новата законска рамка, со која се дефинираат надлежностите на Министерството за дигитална трансформација во безбедноста на мрежните и информациските системи.

Според соопштението, со законските решенија се утврдуваат правила за управување со сајбер-ризиците, обврски за пријавување безбедносни инциденти и механизми за заштита на субјектите и инфраструктурата од клучно значење.

Од ВМРО-ДПМНЕ велат дека целта е системот да се префрли од реагирање по сајбер-инциденти кон превенција, рано откривање и навремена реакција.

Партијата оценува дека за граѓаните тоа треба да значи побезбедни дигитални јавни услуги, поголема заштита на личните податоци и поголема отпорност на критичната инфраструктура.

„Напредокот од 29 позиции и пласманот на 30. место во светот претставуваат значајна потврда дека Македонија прави сериозни чекори напред“, соопшти ВМРО-ДПМНЕ.

Related posts

Алиу: Девет пациенти биле непотребно оперирани на срце

admin

Излезни анкети: Коалицијата на Радев води на изборите во Бугарија

admin

Рама ја обвини опозицијата дека ја поткопува Албанија во Брисел

admin

Стејт департмент: Помалите верски групи се жалат дека МПЦ-ОА и ИВЗ имале повеќе права

admin

Левица поднесе интерпелација против Тошковски поради трагедијата во Кочани

admin

ССМ на протест во Скопје со барање за минимална плата од 600 евра

admin