Косовскиот премиер во технички мандат Албин Курти в среда ќе престојува во официјална посета на Северна Македонија, поради што во Скопје ќе биде воведен посебен сообраќаен режим, соопшти Министерството за внатрешни работи.
МВР соопшти дека на 26 август Единицата за безбедност на патниот сообраќај при СВР Скопје ќе преземе мерки за посебен режим на движење низ делови од главниот град.
Полицијата ги повика возачите и другите учесници во сообраќајот да ги почитуваат наредбите на полициските службеници.
Посетата на Курти се совпаѓа со најавениот почеток на работите на вториот дел од автопатот Скопје-Блаце, патен правец што ја поврзува Северна Македонија со Косово.