28.8 C
Скопје
15 јуни, 2024
Inbox7.mk
ВЕСТИ

Денес се очекува да биде лансирана социјалната мрежа на Трамп, објави Ројтерс

Новата социјална мрежа на поранешниот претседател на САД Доналд Трамп „Truth Social“ веројатно ќе биде лансирана денес во продавница за апликации на „Епл“, според објавите на извршниот директор на тест верзијата, што потенцијално би значело враќање на Трамп на социјалните мрежи на Денот на американските претседатели, кој денес се одбележува во САД, објави Ројтерс.

Предводена од поранешниот републикански конгресмен Девин Нунес, „Trump Media & Technology Group“, компанијата која стои зад „Truth Social“, ќе се приклучи на технолошките компании кои се позиционираат себеси како шампиони во слободата на говорот и се надеваат дека ќе привлечат корисници кои чувствуваат дека нивните ставови се потиснати на платформите како „Твитер“, „Фејсбук“ и „Јутјуб“.

„Нашата цел, мислам дека ќе го постигнеме тоа, е до крајот на март да бидеме целосно оперативни барем во рамките на САД“, рече Нунес за телевизијата „Фокс“.

Лансирањето ќе го врати присуството на Трамп на социјалните мрежи повеќе од една година откако тој беше забранет од „Твитер“, „Фејсбук“ и „Алфабет Инк“ по нападот на 6.јануари на Конгресот од страна на негови поддржувачи, откако тој беше обвинет дека објавувал пораки што поттикнувале насилство.

На 15. февруари, најстариот син на Трамп Доналд Џуниор, објави на Твитер „Подгответе се! Вашиот омилен претседател ќе ве види наскоро!”, иако во последниве недели, Нунес јавно кажа дека апликацијата ќе биде во функција на крајот на март, објави Ројтерс.

Related posts

Пендаровски ја налути Софија, реагира бугарското МНР

admin

„Огнените“ и официјално поднесоа барање за отстранување на дефиницијата „20 проценти“

admin

„Не е важно како се облечени, туку што им излегува од уста“: Каква порака испраќаат политичарите со стилот на облекување?

admin

РУСКИ ВОЕН АВИОН УРНАЛ АМЕРИКАНСКИ ДРОН НАД ЦРНОТО МОРЕ

ninja

Кренар Лога: Уставниот суд ја отвори Пандорината кутија

admin

Стано: Косово ќе се соочи со други рестриктивни мерки доколку Курти не ги исполни меѓународните барања

admin