14.8 C
Скопје
26 септември, 2023
Inbox7.mk
ВЕСТИ

Путин ќе ја признае „независноста“ на сепаратистичките региони во источна Украина

Рускиот претседател Владимир Путин одлучи да ги признае рускојазичните региони Доњецк и Луганск во источна Украина како независни држави, изјава што ги зголемува стравувањата на Западот дека Путин наскоро ќе ја нападне Украина.

Кремљ соопшти дека Путин ги информирал лидерите на Франција и Германија во понеделникот за својата одлука.

Околу 14 илјади луѓе беа убиени на територијата на Донбас од 2014-та година во борбите меѓу промосковските сепаратисти и силите на Киев, откако Русија го анектираше Кримскиот Полуостров на Украина.

САД и нивните сојузници во НАТО тврдат дека Русија организира операции со лажни знамиња во Доњецк и Луганск за да изгледа дека украинските сили се зголемена закана. Западот вели дека Русија се обидува да ја оправда основата за инвазија за да ги заштити руските симпатизери.

На видео снимка се гледа како некои жители на регионот ја напуштаат територијата, при што Москва вели дека луѓето бегаат на безбедно во Русија.

Путин ја објави независноста на Луганск и Доњецк, каква што нема ниту една друга земја, по состанокот со рускиот Совет за безбедност. Неколку часа претходно, сепаратистичките водачи на двата региона упатија видео апел за прогласување независност.

Сепаратистите сакаат Русија да потпише договори за пријателство и да им даде воена помош за да ги заштити од, како што тврдат, тековната украинска воена офанзива.

Рускиот парламент минатата недела го повика Путин официјално да ги признае Народните републики Доњецк и Луганск, кои прогласија независност од Украина во 2014-та година.

Москва тврди дека нема планови да ја нападне Украина, иако околу 150 илјади руски војници се натрупани на границата со Украина.

Американскиот претседател Џо Бајден се согласи начелно да се сретне со Путин за да разговара за кризата лице в лице, но доколку Русија не ја нападне Украина.

 

 

Некои материјали во овој извештај се од Асошиетед прес, агенцијата Франс прес и Ројтерс.

Related posts

Средба Груби – Грвала: Регионот е побезбеден како дел од НАТО и ЕУ

ninja

КОРУПЦИСКИ СКАНДАЛ ВО ЕП: ДЕЛУМНО ПРИЗНАНИЕ ОД ЕВА КАИЛИ

ninja

Жељазков: Бугарите да бидат државотворен народ во РСМ

admin

КОЈ Е МИРОВНИОТ ПРЕДЛОГ НА КИНА ЗА ВОЈНАТА ВО УКРАИНА?

ninja

ЕУ со рекордно проширување на површината за органско земјоделство

admin

На 13 август Меџити ќе ја промовира новата партија, во најава за формирање уште 2 нови субјекти

admin