2 март, 2024
Inbox7.mk
ВЕСТИ

ГЕРМАНСКИОТ ПРЕТСЕДАТЕЛ ШТАЈНМАЈЕР ДОАЃА ВО МАКЕДОНИЈА

Германскиот сојузен претседател Франк-Валтер Штајнмајер доаѓа во дводневна посета на Северна Македонија на 29 ноември годинава, соопштија од неговиот кабинет и германската амбасада во Скопје.

Франк-Валтер Штајнмајер ќе биде третиот германски сојузен претседател кој доаѓа во посета на Македонија од нејзината независност досега. Во посета на земјата во минатото доаѓаа претседателите Роман Херцог и Хорст Келер. Како што соопштија од неговиот кабинет и германската амбасада во Скопје, Штајнмајер доаѓа во Скопје на 29 ноември, а во рамките на дводневната посета ќе го посети и ветерниот парк во Богданци.

По Северна Македонија, Штајнмајер ќе ја продолжи мини-балканската турнеја и со дводневна посета на Албанија.

Во фокусот на посетата на Штајнмајер ќе бидат состојбите во регионот, последиците од руската инвазија врз Украина и поддршката на Германија за ЕУ перспективите на двете земји.

Предвидено е Штајнмајер во Скопје да се сретне со претседателот Стево Пендаровски и премиерот Димитар Ковачевски, а ќе одржи и говор во парламентот. Понатаму, Штајнмајер ќе разговара со младите членови на Центарот за политички развој на шефот на државата, ќе се сретне со творците на филмот „Медена земја“ и ќе го посети ветерниот парк во Богданци. Ова ќе биде прва посета на Штајнмајер на Северна Македонија од оваа функција, откако претходно повеќепати имаше средби со државни функционери во земјата како германски министер за надворешни работи.
Германскиот канцелар Олаф Шолц го посети Скопје на 11 јуни годинава, а канцеларката Ангела Меркел дојде на 8 септември 2018 година, во пресрет на референдумот за уставните промени.

Related posts

Груби: Во ВМРО-ДПМНЕ има про-европски и анти-Мицковски политичари, блиску сме до 80 пратеници за уставни измени

admin

Таткото-монструм изведен пред суд

admin

Македонија прва во Западен Балкан -Истраги за злоупотреби на ЕУ фондовите

admin

СДСМ за пречекот на Курти во Тетово и Чаир: Касами и Гаши се партнери на Мицкоски

admin

ВУЧИЌ: ПОКЕР ОКОЛУ ОДЕЊЕТО ВО ТИРАНА

ninja

Пронајдена дрога во Ѓорче Петров, приведен дилер

admin