8.8 C
Скопје
4 октомври, 2023
Inbox7.mk
ВЕСТИ

ДЕЛ ОД ОПШТИНИТЕ „МУВА“ НЕ ГИ ЛАЗИ ЗА ШТЕДЕЊЕ

Државните институции се подисциплинирани од општините во примената на мерките за штедење коишто ги препорача Владата во екот на енергетската криза. Анализата по трошоците на струја во октомври годинава покажуваат дека административните згради на претседателот на државата, Собранието, Владата, министерствата, ЕСМ, МЕПСО  имаат остварено намалена потрошувачка на електрична енергија во просек од 29 отсто, што е повеќе споредено со вкупната заштеда од 20 отсто остварена во септември. Но, ситуацијата со општините е поинаква. Вкупно 16 општини не постигнале заштеда од 15 отсто, од кои три дури имаат и поголема потрошувачка споредено со октомври 2021 година. Станува збор за Арачиново, Лозово и Студеничани.  Казни за „непослушните“ општини засега нема, со оглед на тоа дека станува збор за препораки на Владата.

Најмалку штеделе во здравството

Министерот за економија Крешник Бектеши на прес-конференција информираше дека сите институции во октомври имаат најмалку за 15 отсто намалена потрошувачка на електрична енергија, што е согласно препораките и задолженијата кои ги донесе Владата. Притоа, најмала заштеда има кај Министерството за здравство од 18 отсто, а најголема заштеда има Министерството за образование – до 58 отсто. Заштедата на електрична енергија на Владата изнесува 32 отсто, кај Собранието заштедата во октомври е 22%, кај Кабинетот на Претседателот на државата 24%, кај административната зграда на ЕСМ заштедата е 25%, а кај МЕПСО 22 отсто.

Ако се земат предвид податоците вклучително и на сите државни претпријатија, агенции и управи, тогаш вкупната заштеда на електрична енергија изнесува 24 отсто. Во анализата на потрошувачката на електрична енергија се опфатени вкупно 19 јавни претпријатија во државна сопственост со сите подрачни единици, каде вкупната заштеда изнесува 17 отсто.

Податоците за заштеда на електрична енергија кај општините кои имаа препорака да штедат, покажуваат дека од 81 општина, 65 општини постигнале заштеда од најмалку 15 отсто, од кои 12 општини постигнале заштеда поголема од 50 отсто. Вкупно 16 општини не постигнале заштеда од 15 отсто, од кои само три имаат поголема потрошувачка во октомври 2022, споредено со октомври 2021 година. Станува збор за Арачиново со зголемување од 474%, Студеничани со 11% и Лозово со 12 отсто. Останатите 13 општини имаат намалена потрошувачка, но не постигнале заштеда од 15 отсто.

Related posts

Гир загрижен, коридорите 8 и 10д не треба да се означат со европското знаме

admin

МПЦ-ОА има право на протест, дури и кога греши

admin

Османи: Загрижува влошувањето на односите на Косово со меѓународната заедница

admin

ИВАНОВСКА – ВО МАКЕДОНИЈА ЦАРУВААТ ДИВОГРАДБИ

ninja

ДЕЦАТА НА ФУНКЦИОНЕРИТЕ – ТРН ВО ОКО ЗА ЈАВНОСТА

ninja

ЗАПАДОТ ЕДНОГЛАСЕН ВО ПОДДРШКАТА ЗА УКРАИНА

ninja