Едно лице загина од истрели од огнено оружје во скопското село Батинца. На местото на настанот починало лицето со иницијали А.Б.И, 34 години од Скопје, соопшти МВР.
„На 01.07.2024 година во 09:25 часот во СПБ-Скопје било пријавено дека во скопското село Батинца две лица со патничко возило „мерцедес“ пукале во патничко возило „Форд“ во кое биле А.Б.И. 34 ) и З.И. (31), двајцата од село Црниврв. На местото на настанот починал А.Б.И, додека З.И. се здобил со телесни повреди и е испратен на лекарска помош во Ургентниот центар Скопје“, се вели во соопштението на МВР.
Според ТВ21, автомобилот „форд“ од типот теренско возило, во кој веќе бил починатиот, е со италијански регистерски таблички, додека автомобилот „мерцедес“ од кој две маскирани лица пукале со пиштол има таблички на Германија.