Платите и плаќањето по работен час во Еврозоната се зголемија за 4,6%, во првиот квартал од 2023 година, во споредба со истиот квартал од претходната година, покажуваат последните статистички податоци на Евростат. Додека во ЕУ, саатниците и платите се зголемија за 5,0%.
Во истиот период, најголем пораст на трошоците за саатни плаќања за целата економија се забележани во Бугарија (+15,7%), Романија (+14,3%) и Литванија (+13,2%). Уште четири земји-членки на ЕУ забележаа пораст над 10%, и тоа: Естонија (+12,0%), Хрватска (+11,3%), Полска (+10,7%) и Белгија (+10,1%).
Во првиот квартал од 2023 година во споредба со истиот квартал од претходната година, трошоците за работна сила по час во еврозоната се зголемија за 4,4% во (главно) неделовна економија и за 5,2% во деловната економија: +4,9% во индустријата , +4,1% во градежништвото и +5,5% во услугите. Во ЕУ, цената на трудот по час порасна за 4,5% во (главно) неделовна економија и за 5,6% во деловната економија: +5,5% во индустријата, +4,4% во градежништвото и +5,8% во услугите.
Во ЕУ, економските активности кои забележаа највисоки годишни зголемувања на трошоците за саатни плати беа – „Снабдување со електрична енергија, гас, пареа и климатизација“ (+9,8%) и – „Рударство и вадење камен“ ( +7,8%). Најмал годишен пораст е забележан во – „Јавна администрација и одбрана; задолжително социјално осигурување“ (+2,7%) и – „Образование“ (+3,5%).