30.8 C
Скопје
23 јуни, 2024
Inbox7.mk
ВЕСТИ

ВОЈНАТА ВО УКРАИНА МОЖЕ ДА ПРЕРАСНЕ ВО ВОЈНА МЕЃУ НАТО И РУСИЈА, РЕЧЕ СТОЛТЕНБЕРГ

Генералниот секретар на НАТО Јенс Столтенберг изрази загриженост дека борбите во Украина би можеле да излезат од контрола и да станат војна меѓу Русија и НАТО.

„Доколку работите тргнат наопаку, може да тргнат ужасно наопаку“, рече Столтенберг во изјавата за норвешката телевизија НРК.

„Тоа е ужасна војна во Украина. Тоа е, исто така, војна која може да стане целосна војна која ќе се прошири во голема војна меѓу НАТО и Русија“, рече тој. „Работиме на тоа секој ден за да го избегнеме тоа“.

Столтенберг, поранешен премиер на Норвешка, во интервјуто рече дека „нема сомнеж дека постои можност за целосна војна“, додавајќи дека е важно да се избегне конфликт кој вклучува повеќе земји во Европа.

Кремљ во неколку наврати ги обвинуваше сојузниците на НАТО дека ефективно станаа дел од конфликтот со тоа што ѝ обезбедуваат оружје на Украина, ги обучуваатнејзините војници и ги хранат воените разузнавачи за да ги напаѓаат руските сили.

Говорејќи денес преку видеоврска со шефовите за одбрана и безбедност на неколку поранешни советски земји, рускиот претседател Владимир Путин повторно го обвини Западот дека ја користи Украина како алатка против неговата земја.

„Многу години, Западот бесрамно ги експлоатираше и ги испумпуваше своите ресурси, поттикнуваше геноцид и терор во Донбас и ефективно ја претвори земјата во колонија“, рече тој.

„Сега цинично го користи украинскиот народ како топовско месо, како овен против Русија, продолжувајќи да ја снабдува Украина со оружје и муниција, испраќајќи платеници и туркајќи ја на патека за самоубиство“.

Украинците велат дека се борат за слобода против несакан напаѓач и агресор.

Тешките борби денес продолжија во источна и јужна Украина, главно во регионите кои Русија незаконски ги анектираше во септември.

Извор: АП

Related posts

ЕУ со нов план за економски раст на Западен Балкан

admin

Бугарија се однесува со С.Македонија исто како и Русија со Украина

admin

Блинкен во ненајавена средба со Абаз, не поминала во добра атмосфера

admin

Израел и Хамас ги обновуваат борбите по истекот на примирјето

admin

Дишеме контаминиран воздух, јадеме токсична храна: Жешките еколошки точки ни ја уништуваат околината, а закана се и за здравјето

admin

Прогласени најдобрите аеродроми во Европа

admin