12.8 C
Скопје
28 мај, 2024
Inbox7.mk
ВЕСТИ

СРБИТЕ ВО СЕВЕРНО КОСОВО ГИ НАПУШТААТ БАРИКАДИТЕ

Србите во северниот дел од Косово започнале да ги напуштаат подигнатите барикади. Српскиот претседател Александар Вучиќ денеска ја укинал зголемената борбена готовност на војската и полицијата.

На блокадата подигната во близина на местото Рударе веќе нема никого, шаторите на активистите се празни, пишува информативниот портал на српски јазик kossev.info.

Српскиот претседател Александар Вучиќноќеска најави дека барикадите ќе бидат отстранети во следните 48 часа. Косовски Срби во последните три неделиподигнаа барикади на повеќе места во северно Косово, меѓу другото ги блокираа и приодните патишта кон двата гранични премини кон Србија. Тие протестираа против апсењето на поранешен српски службеник во косовската полиција, кого косовските власти го товарат за предводење напади против членови на избирачка комисија. Суд од Приштина вчера го ослободи поранешниот службеник од истражен затвор и му ја замени мерката со куќен притвор.

Српскиот претседател Александар Вучиќ денеска ја укина зголемената борбена готовностна војската и полицијата, јави државната агенција Танјуг, повикувајќи се на информации од претседателскиот кабинет.

Претседателот Вучиќ пред три дена го образложи подигањето на степенот на борбената готовност со најновите тензии во Косово.

Во меѓувреме е отстранета и блокадата од српска страна на граничниот премин Мердаре, каде вчера попречно поставени товарни возила го стопираа приодот кон најважниот граничен премин меѓу Србија и Косово.

Властите во Косовопоради тоа го затворија преминот од нивна страна. Денеска сообраќајот на Мердаре е повторно нормализиран, јавуваат медиумите.

Претставникот на ЕУ за надворешна политика Жозеп Борел го поздрави најновиот развој на ситуацијата. „Во најновата деескалација на тензиите во северно Косово победи дипломатијата. Насилството никогаш не може да биде решение. Сега итно се потребни напредоци во дијалогот“, напиша Борел на Твитер.

Србија до денес не се помирува со во 2008 година прогласената независност на својата поранешна покраина Косово, населена речиси исклучиво со Албанци, и смета дека територијата и натаму ѝ припаѓа. Областа северно од поделениот град Митровица е населена речиси исклучиво со Срби.

 

Related posts

ГЕРМАНСКИОТ ПРЕТСЕДАТЕЛ ШТАЈНМАЈЕР ДОАЃА ВО МАКЕДОНИЈА

ninja

МИЦКОСКИ: ЕВРОПСКИТЕ ВРЕДНОСТИ СЕ НЕСПОРНИ ЗА ВМРО-ДПМНЕ

ninja

Илјадници граѓани без валидни документи

admin

Два конгреса на АА: Со Таравари вечерва, со Села во недела

admin

Г7 бара продолжување и проширување на договорот за извоз на украинско жито

admin

Меџити за „Локално“: По 8. мај земјата ќе биде ослободена од криминалот и корупцијата

admin