9.8 C
Скопје
27 февруари, 2024
Inbox7.mk
ВЕСТИ

МЕЏИТИ – ПОВЕЌЕ ИЗЛЕГУВААТ ОТКОЛКУ ШТО ВЛЕГУВААТ ВО ПАРЛАМЕНТАРНОТО МНОЗИНСТВО

Потпретседателот и пратеник на Демократската унија за интеграција, Изет Меџити е скептичен околу обезбедувањето на потребните гласови за гласање на реконструкцијата на Владата. Тој рече дека додека Владата обезбедува осум пратеници од Алијансата за Албанците, од парламентарното мнозинство излегуваат повеќе од осум пратеници.

„Веќе се изјаснуваат дека имаат 64 пратеници, но ќе видиме како ќе биде до крај“, рече Меџити.

Во изјава за ТВ 21, тој рече дека со реконструкцијата на Владата, ДУИ има изгубено 20 проценти од моќта.

Во Собранието веќе два дена пратениците расправаат за реконструкција на Владата, со која во владината коалиција влегува Алијансата за Албанците (АА), која има осум пратеници, а излегуваат Алтернатива и Демократскиот сојуз.
Алтернатива има тројца пратеници, а Демократскиот сојуз еден.

„Огнената група“ од ДУИ исто така е против реконструкцијата, но неизвесно е уште колку пратеници освен Меџити ќе гласаат против.

Пред пратениците се разрешувањата на тројцата министри од редовите на Алтернатива, Беким Сали за здравство, Адмирим Алити за информатичко општество и администрација и Џемаил Чупи, министер без ресор задолжен за дијаспора.

За нови министри, премиерот Димитар Ковачевски ги предложи Кренар Лога за правда, Фатмир Меџити за здравство, Азир Алиу за информатичко општество и администрација, тројцата од редовите на Алијансата за Албанците, како и Каја Шукова од СДСМ за животна средина и просторно планирање, откако Насер Нуредини од ДУИ поднесе оставка.

Во реконструираниот владин кабинет, ДУИ останува со едно министерско и едно заменичко место помалку.

Related posts

КОРУПЦИСКИ СКАНДАЛ ВО ЕП: ДЕЛУМНО ПРИЗНАНИЕ ОД ЕВА КАИЛИ

ninja

Иран заплени танкер со нафта, провокација кон САД

admin

НИСКИТЕ КАМАТИ СЕ МИНАТО

ninja

РАДЕВ ГО ПОВИКА ПЕНДАРОВСКИ ДА СЕ ДРЖИ ДО ИСТОРИСКАТА ВИСТИНА

ninja

Груби: Државата нема платено пенали на „Бехтел и Енка“

admin

САД ја повикаа Србија да ги истражи наводите за изборни нерегуларности

admin