9.8 C
Скопје
27 февруари, 2024
Inbox7.mk
ВЕСТИ

САД И ЕУ ПРЕДУПРЕДИЈА НА ПОСЛЕДИЦИТЕ ДОКОЛКУ КИНА ОБЕЗБЕДИ ПОМОШ ЗА РУСИЈА

Соединетите Држави и Европската Унија денес предупредија на последиците доколку Кина обезбеди помош за руските сили кои се борат во Украина.

Американскиот државен секретар Антони Блинкен им рече на новинарите дека ќе има „вистински последици“ во односите меѓу САД и Кина и дека загриженоста на САД директно ја споделил со највисокиот кинески претставник за надворешна политика Ванг Ји.

„Мислам дека Кина разбира што е загрозено доколку продолжи со таа поддршка за Русија“, рече Блинкен.

Тој додаде дека многу други земји многу сериозно ќе ја сфатат таквата воена помош од Кина за Русија.

Портпаролот на кинеското Министерство за надворешни работи, Ванг Венбин, на брифинг во понеделникот рече дека САД не се во позиција да поставуваат барања од Кина и дека односите на Кина со Русија се засноваат на „неврзување, неконфронтација и нетаргетирање на трети страни.“

„САД, а не Кина се тие што бескрајно испраќаат оружје на бојното поле“, рече Ванг Венбин.

Шефот за надворешна политика на Европската унија Џозеф Борел изјави за новинарите во Брисел дека разговарал за ситуацијата и со Ванг Ји и побарал од него да не и дава оружје на Русија.

Борел рече дека таквата кинеска помош „би била црвена линија во нашите односи“.

Тој зборуваше пред состанокот на министрите за надворешни работи на ЕУ и рече дека најитна потреба на Украина е муницијата. Борел рече дека министрите ќе разговараат за тоа како побрзо да се обезбеди оружје, особено муниција, на украинските сили.

Некои информации за оваа приказна се од агенцијата Франс прес и Ројтерс

Related posts

Норвешкиот ер шатл воведе директен лет Скопје-Осло

admin

“Пратениците добро да размислат дали ќе гласаат за Европа или за изолација”, Ковачевски оптимист за уставните измени

admin

Проект „филмски студија и технолошки парк“: Заев дал поддршка уште во 2019та, Амбасадата на САД ја следи можната инвестиција

admin

Ништо од декемврискиот самит на ЕУ: Пендаровски песимист

admin

ЗНМ се солидаризира со Николовски и повикува на дијалог со МПЦ ОА

admin

Пораст на индустриското производство и на бројот на вработени во индустријата

admin