Американскиот претседател Џо Бајден дојде во ненајавена посета во понеделникот на Украина, неколку дена пред годишнината од руската инвазија, велејќи дека е таму за да „ја покаже поддршката за независнос, суверенитет и територијалниот интегритет на Украина“.
Зборувајќи заедно со украинскиот претседател Володимир Зеленски во палатата Марински во Киев, Бајден најави нова американска помош од 500 милиони долари, вклучувајќи артилериска муниција и противтенковско оружје. Тој исто така рече дека оваа недела ќе има нови санкции на САД против Русија.
„Путин мислеше дека Украина е слаба, а Западот е поделен“, рече Бајден. „Мислеше дека може тие да не издржат. Мислам дека не го мисли тоа во моментов“.
Зеленски му се заблагодари на Бајден што дошол во момент кога и е најпотребен на Украина и рече дека со нетрпение очекува да разговара за ситуацијата на бојното поле со американскиот лидер.
Официјалниот распоред на Белата куќа објавен во неделата вклучува и посета на Бајден утре во Варшава, во кои се опишуваат напорите на САД да се собере сета поддршка за Украина.
Бајден, исто така, треба да се сретне со генералниот секретар на НАТО, Јенс Столтенберг, и со водачите на групата земји од Букурешт, пред да се врати за Вашингтон во среда.
Некои информации за оваа приказна се од агенцијата Франс прес и Ројтерс