Претседателот на Црна Гора, Мило Ѓукановиќ изјави дека нема индиции дека државните органи или институции на Црна Гора учествувале на каков било начин во рускиот план за дестабилизација на Молдавија, пренесе новинската агенција Бета.
Како што јавува агенцијата, Ѓукановиќ рекол дека може да се работи само за „поединци кои се согласуваат да бидат злоупотребени или се дел од некои паравоени или терористички организации кои се ставаат во служба на руските интереси за да ги дестабилизираат соседните земји“.
„Знаеме дека еден дел од граѓаните на Црна Гора, како и на другите земји во регионот, за жал демонстрираат дека ја поддржуваат руската агресија. Нема да бидеме изненадени ако таков поединец се најде во уништување надвор од Црна Гора и нашиот регион. изјави Ѓукановиќ.
Молдавската претседателка на прес-конференција на 13 февруари објави дека Русија планирала да ја дестабилизира Молдавија. Санду рече дека планот предвидувал и државјани на Русија, Црна Гора, Белорусија и Србија да влезат во Молдавија за да се обидат да предизвикаат протести во обид да се промени, како што рече, „легитимната влада во нелегална влада контролирана од Русија“. Официјален Белград и Подгорица рекоа дека немаат такви информации.