28.8 C
Скопје
15 април, 2024
Inbox7.mk
ВЕСТИ

БОРЕЛ ЌЕ ГИ ПОСЕТИ АЛБАНИЈА И СЕВЕРНА МАКЕДОНИЈА

Високиот претставник на ЕУ за надворешни работи Жозеп Борел, на 15-16 март ќе отпатува за Албанија, а на 16-17 март во Северна Македонија, соопштуваат од Европската унија (ЕУ).

Во соопштението се наведува дека овие посети ќе бидат можност да се разговара за билатералните односи меѓу ЕУ и Албанија и ЕУ и Северна Македонија, во согласност со нивните договори за стабилизација и асоцијација и да се разгледаат најновите случувања во двете земји и во Западен Балкан. Ова е првпат советите да се одржуваат во Тирана и Скопје.

Во Албанија, Борел ќе се состане со албанскиот премиер Еди Рама пред да претседава со 12-тиот Совет за стабилизација и асоцијација меѓу ЕУ и Албанија кој ќе се одржи во Тирана на 16-ти март.

Во Македонија, Борел на 16 март ќе се сретне со премиерот Димитар Ковачевски, а потоа ќе ја предводи делегацијата на ЕУ на 16-тиот состанок на Советот за стабилизација и асоцијација меѓу ЕУ и Северна Македонија кој ќе се одржи во петок на 17 март.

За време на посетата, Борел ќе се сретне и со претседателот Стево Пендаровски, министерката за одбрана Славјанка Петровска и со претседателот на Собранието, замениците-претседатели, координаторите на политичките партии и претседавачи на Националниот совет за евроинтеграции и на Комисијата за европски прашања при Собранието на Северна Македонија.

Македонија и Албанија лани почнаа преговори за членство во ЕУ, со тоа што за Македонија отворањето на поглавјата ќе почне кога земјата ќе го промени Уставот и во него ќе бидат внесени Бугарите.

Related posts

Маратонска седница за разрешување на министрите Фатмир Меџити и Азир Алиу

admin

FT: Сега има „колективен Путин“ во Кремљ

admin

КОИ СЕ СРПСКИТЕ ДОБРОВОЛЦИ „САВА“ И „ДУНАВ“ КОИ ВОЈУВААТ ВО УКРАИНА?

ninja

Скопје – два дена центар на светот

admin

Ковачевски: Ја намаливме невработеноста за 8%

admin

СПОРНИ МЕРЕЊА – КОЈЗНАЕ КОЛКУ Е ЗАГАДЕН ВОЗДУХОТ

ninja