2 март, 2024
Inbox7.mk
ЕКОНОМИЈА

Владата не може да ги среди цените низ пазарите, секој продава како сака

Овошјето и зеленчукот повторно се продаваат по многу повисоки цени од владината одлука, која од денеска стапи во сила со корекции за 30 отсто повисоки од првата одлука. Доматите денеска се продаваа по цена од 150 денари, иако со новата одлука тие треба да чинат најмногу 95. Иста е состојбата и со зелените пиперки кои наместо 100 денари се продаваат по 200, краставиците наместо 95 се продаваат за 120, а гравот наместо за 95, се продава за 160 денари. Од 10-те земјоделски култури со корегирани цени, од првиот ден на одлуката што стапи во сила, се применуваат само овошјата со поскапување од само 5 денари. Пазарџиите велат дека цените зависат од трошоците на големо, кои според нив, сè уште им тврдат дека увезуваат скапо.

Во овој месец кога е зголемена побарувачка поради верските празници, за едно четиричлено семејство доколку основното овошје и зеленчук се купува по реални пазарни цени, неделно се трошат околу 1.500 денари. Според Сојузот на синдикати, потрошувачката кошничка чини 100 евра месечно само за сезонски артикли. Граѓаните и понатаму се жалат на високите цени и барата поддршка за домашното производство.

Високи остануваат и цените на овошјето и зеленчукот кои не се вклучени во владината мерка за замрзнување. Розевите домати чинат 200 денари, а лутите пиперки 300. Младите компири 80 денари, што е двојно поскапо од старите. Ревидираните замрзнати цени ќе важат до крајот на месецов до кога се очекува да пристигне поголемо домашно производство од пластеници.

Коригираните цени се почитуваат само во маркетите каде се издаваат фискални сметки./ALsat

Related posts

Бугарски капитал доминантен на македонскиот пазар со брзи кредити

admin

КОИ СЕ НАЈПРОФИТАБИЛНИ ДЕЈНОСТИ ВО С.МАКЕДОНИЈА? НАД 90% ОД ВРАБОТЕНИТЕ СЕ ВО МАЛИ ПРЕТПРИЈАТИЈА

admin

МФ: Издадена 22-та емисија Обврзници за денационализација на износ од 4,5 милиони евра

admin

Ја памтите ли германска марка?

admin

Трошоците за живот се зголемуваат секој месец, а платите еднаш годишно

admin

“Работниците немаат за леб, а функционерите на колачи”: ССМ контра Бесими

admin

Leave a Comment