13.8 C
Скопје
12 јули, 2025
Inbox7.mk
НАУКА

„Apple“ е најголемиот губитник

Аналитичката компанија „IDC“ ги објави најновите резултати од продажбата на компјутери, кои се однесуваат на првиот квартал од оваа година.

Извештајот на „IDC“ укажува на намалување на побарувачката, па така испораката на компјутерски уреди во првите три месеци од годинава бележи намалување од 29% во однос на претходната година.

Ваквата состојба на пазарот се одрази негативно на сите производители на компјутери, особено на „Apple“. Се вели дека намалената побарувачка, вишокот залихи и лошата макроекономска средина одиграле голема улога во лошите продажни резултати.

Глобалните испораки на компјутери достигнаа вкупно 56,9 милиони, што претставува пад од 29% во споредба со истиот период во 2022-ра година.

Иако сите производители доживеаја пад на продажбата во текот на првиот квартал, „Apple“ е веројатно најголемиот губитник. Компанијата забележа пад на продажбата на компјутери од дури 40,5% во однос на претходната година.

Сепак, ова не е изненадување, бидејќи „Apple“ се фокусираше на своите „iPhone“ телефони и други услуги. Од компанијата допрва треба да се очекува голема надградба на линијата на компјутери „Mac“.

Кога станува збор за целиот пазар на персонални компјутери, листата на Топ 5 производители на персонални компјутери според уделот на пазарот изгледа вака: „Lenovo“ е на врвот со пазарен удел од 23,9 отсто, следен од „HP“ (21,5%), „Dell“ (16,0%) ), „Apple“ (7,5%) и „Acer“ (6,4%).

„IDC“ истакнува дека до крајот на годината се очекува нов раст на продажбата на персонални компјутери, поради глобалните економски подобрувања и корисниците кои размислуваат за надградба на „Windows 11“.

Related posts

ВИДЕО: Роботи-кучиња ќе им помагаат на полицајците во Њујорк

ninja

Што се случува сп Твитер? По хаотичното управување Илон Маск се повлекува, поставува нов директор

admin

Вештачката интелигенција може да ја уништи демократијата

admin

Проект за вештачка интелигенција што им овозможува на луѓето „да се поврзат со мртвите“ ги загрижува експертите

admin

Европски суд: Гугл и Епл треба да платат милијарди евра

admin

Дали владите треба да користат вештачка интелигенција за да ја реформираат државата?

admin

Leave a Comment