Њујоршките полицајци добиваат помош каква што досега немале можност да имаат – два роботи-кучиња, наречени „Digidogs“, ќе им помагаат на органите на редот во бркањето криминалци, јавува агенцијата АП.
Роботите се создадени и произведени од реномираната компанија „Boston Dynamics“ (која инаку порано беше во сопственост на „Google“, а сега е дел од автомобилската групација „Hyundai“), во соработка со „Knightscope“.
Полицијата ќе ги користи четириножните роботи за различни задачи и тие треба да помогнат за подобрување на безбедноста на полицајците. Роботот „Spot“, кој беше претставен пред неколку години, постојано се усовршува. Њујоршката полиција пред неколку години веќе имаше сличен проект со роботи-кучиња, но поради лошите реакции на јавноста, проектот беше прекинат.
„Кучињата“ ќе се користат како поддршка во ситуации во кои е опасно да се изложуваат луѓето – како оние во кои има земање заложници, објаснија од полицијата.