15.8 C
Скопје
26 септември, 2023
Inbox7.mk
ВЕСТИРЕПУБЛИКА

Анкета: ВМРО-ДПМНЕ ќе остане доследна и нема да ги гласа уставните измени

Мнозинството граѓани очекуваат опозициската ВМРО-ДПМНЕ да остане доследна и да не даде  поддршка на уставните измени. Ваков став имаат 42% од анкетираните додека една четвртина  или 25% очекуваат најголемата опозициска партија да го смени ставот, јавува телевизија Сител. 

Ова го покажува анкетата на Институтот за политички истражувања Скопје е спроведена телефонски во периодот  од 2 до 6 мај, годинава врз репрезентативен примерок од 1112 испитаници.

Гледано по етнички групи, 45,7 од Македонците сметаат дека ВМРО-ДПМНЕ ќе остане доследна  наспроти 43,3% етнички Албанци кои очекуваат дека ВМРО-ДПМНЕ ќе попушти. Дека опозицијата  ќе гласа за уставните измени сметаат само еден на секои пет Македонци или 19,2% додека секој  трет Албанец или 33% од анкетираните сметаат дека ВМРО-ДПМНЕ нема да гласа за уставните  измени.

Мнозинството граѓани не се согласува со уставни измени дури и во ситуација Македонија да  добие дополнителни гаранции. 45,3% од анкетираните велат дека не би прифатиле промена на  уставот и да продолжат преговорите со ЕУ заедно со дополнителни гаранции кои би ги добила  Македонија. Поддршка за уставните измени во ваква ситуација даваат 35,7% од анкетираните.

И тука, очекувано сосема различни ставови меѓу Македонците и Албанците.

57,9% етнички Македонци се против промена на Уставот дури и во ситуација кога би добиле  дополнителни гаранции додека 21,9% велат дека во таков случај би дале поддршка за уставни измени.

Кај Албанците 78,5% даваат поддршка за уставни измени додека само 7,7% се против.

Анализата на возрасната структура на одговорите покажува дека најголеми противници на  промена на уставот се повозрасните граѓани додека најмало противење има кај младите.

 

Related posts

СРБИТЕ ВО СЕВЕРНО КОСОВО ГИ НАПУШТААТ БАРИКАДИТЕ

ninja

Абу Даби нуди 11 милијарди долари за да ја купи германската Ковестро

admin

Законот строг за анестезиологот Тик-Токер, осуден на 15 месеци затвор

admin

Двајца полицајци од Велес примиле поткуп за да не изрекуваат глоба

admin

РЕПУБЛИКАНЦИТЕ НЕ ГИ ГИ ИСПОЛНИЈА ОЧЕКУВАЊАТА НА ИЗБОРИТЕ ВО САД

ninja

ДИСЦИПЛИНСКА ПОСТАПКА ЗА РУСКОВСКА И УШТЕ ДВЕ ОБВИНИТЕЛКИ

ninja