Експлозија се случи денеска околу 03:00 часот по полноќ, во близина на косовската полициска станица на север, пренесува Инбокс7.
Веста ја потврди и портпаролот на полицијата за северниот регион Ветон Елшани.
Елшани рече дека од оваа експлозија биле оштетени автомобил и електричен столб.
„Да, околу 03:00 часот се случи експлозија. Притоа, оштетени се автомобил и електричен столб. Полицијата случајот го третира како „причина за општа опасност“, рече Елшани.
По оваа експлозија, реагираше Блерим Вела, шефот на кабинетот на претседателот на Косово, Вјоса, кој рече дека ова е уште еден криминален напад во Северна Митровица.
Тој преку објава на Твитер рече дека овие криминални структури ги плаќа Србија за да го спречи владеењето на правото на север.
„Уште еден криминален напад во Северна Митровица. Криминалните и нелегалните структури финансирани од Србија го попречуваат владеењето на правото на север. Ова по се изгледа е реакција на акцијата на институциите за отстранување на нелегалните камери за надзор поставени од Србија, која ќе продолжи“, напиша Вела.