36.8 C
Скопје
23 јуни, 2024
Inbox7.mk
ВЕСТИЕКОНОМИЈА

Законите за Коридорот 8 и 10д во Собрание, опозицијата вели дека се озаконува криминалот

До европско знаменце и по скратена постапка денес во собраниска процедура се внесени 5-те предлог-закони неопходни за почеток на изградбата на коридорот 8 и 10-Д.

Пратеникот на ВМРО-ДПМНЕ, Никола Мицевски, реагираше за ограничувањето на дискусијата заради начинот на кој се предложени овие закони.

„Со своите постапки сте поблиску до остварување на вашиот бизнис и клан интерес и на овој начин секојдневно ги одземате граѓаните од ЕУ. Ова не е европскиот фронт за кој зборувате. Ова е европскиот криминален фонд, затоа што не го ни оценувате ставот на Делегацијата што се изрази за ова. Ова е сериозно прекршување на работата на Собранието“, изјави Мицевски.

Пратеникот на Демократски сојуз, Павле Трајанов, вели дека се случува институционален криминалитет.

„Се случува институционален криминалитет, каде што Собранието ги прикрива дејствијата на криминалите што ќе следат со спроведувањето на законите и воопшто на договорот.“, изјави Трајанов.

Од друга страна, претседателот на Собранието, Талат Џафери објасни дека сите закони се изготвени и доставени на законски начин и како што предвидува процедурата за работа на Собранието, додека пленумот одлучил по скратена постапка.

„Скратената постапка пред почетокот на седницата и во самата седница предлагачот може да ја предложи да влезе како дневен ред и не е поврзана со рокот за кој сте повикани“, изјави Џафери.

Против воведувањето на овие закони во собраниска процедура се изјасни и лидерот на ВМРО-ДПМНЕ, Христијан Мицковски, според кој со овие закони се генерираат долгови за граѓаните, а на високите владини функционери им овозможуваат криминал и корупција.

„Проектот за изградба на коридорот 8 и 10-Д, проект кој силно го турка Владата на ДУИ, поддржан од СДСМ, не претставува ништо друго освен големо криминално заробување на оваа Влада. А овие вторите го злоупотребуваат името на Европската Унија само кога треба нешто да се украде, додека кога навистина треба да се работи на нешто, ни оддалеку не наликуваат на европските случувања“, потенцираше Мицковски.

На изјавата на Мицкоски реагираше СДСМ.

„Со лаги и манипулации Мицкоски и Апасиев водат кампања против изградбата на стратешкиот проект со коридорите 8 и 10-Д. Законските измени со европското знаме заштедуваат 150 милиони евра за граѓаните и пократок рок на извршување од 2 години и не се применуваат само за коридорите 8 и 10-Д, туку и за проектите финансирани од ЕУ. Едноставно е, Мицкоски е против ЕУ, Мицкоски е против напредокот на државата воопшто“, потенцираат од СДСМ.

На дневен ред на оваа седница се предложениот закон за утврдување јавен интерес и именување на стратешки партнер за реализација на проектот за изградба на инфраструктурен коридор 8, на оската Тетово – Гостивар – Букојчан и проектот за магистрален пат Требениште – Струга – Ќафасан и коридор 10 дел од магистралниот пат Прилеп – Манастир по скратена постапка. Исто така, измените и дополнувањата на Законот за урбанизам, Законот за градење, Законот за експропријација и Законот за работни односи, сите по скратена постапка.

Related posts

Спасена мечка заглавена во бачило во Бозовце (ВИДЕО)

admin

Реформи на линија со ЕУ-стандарди, а не со неказнивост

admin

ДЕНОВИ НА ОДЛУКА ЗА АЛИЈАНСА И АЛТЕРНАТИВА

ninja

Вучиќ бара помош од Запад: Грижете се за Косово

admin

Ќе поефтини ли струјата после Нова Година?

admin

Кога лекувањето зависи од одлуките на политичарите: Државата ниту има услови, ниту ја плаќа рехабилитацијата во странство

admin