12.8 C
Скопје
20 април, 2024
Inbox7.mk
ВЕСТИРЕПУБЛИКА

Совет на амбасадори на САД престојуваа во Скопје: Да не зе блокира евроинтеграцијата на С.Македонија

Американско-македонските односи, ситуацијата во земјата, регионалните прашања, влијанието на војната во Украина врз Западен Балкан, евроинтеграциите – ова биле прашањата за кои се интересирал тимот на Советот на американски амбасадори. Членовите на ова тело, кои се во посета на регионот, денеска во Скопје се сретнаа со државниот врв и со партиските лидери,  известува Гласотна Америка.

„Претседателот Пендаровски ги информираше соговорниците за актуелните прашања од европските интеграции на земјата, како и реформските процеси кои треба да се спроведат во поглед на владеење на правото и борбата против корупцијата. Исто така, се разговараше и за состојбите во регионот, како и за безбедносните предизвици во Европа кои се последица на руската воена агресија во Украина“, соопштуваат од кабинетот на шефот на државата.

На агендата на поранешните амбасадори на САД беше и средба со собранискиот спикер. Џафери ги информирал за процесите во парламентот.

„Беше истакнато дека стратешкото партнерство меѓу двете земји се заснова на заеднички вредности и интереси, а Република Северна Македонија е посветена на тесната соработка со САД за низа прашања, вклучувајќи ја безбедноста, економскиот развој и демократското владеење. Гостите беа запознати со досегашниот напредок на земјата во ЕУ-интеграциите, со предизвиците со кои се соочува и со обврските кои Собранието ги реализира во однос на ова прашање“, информираат од кабинетот на Џафери.

На состанокот со лидерот на опозицијата едно од главните прашања било она за уставните измени. Мицкоски го повторил ставот на неговата партија – дека ќе нема промена на Уставот под бугарски диктат.

„Се разговараше за актуелната политичка и економска ситуација како и за македонските евроинтеграции, при што претседателот Мицкоски истакна дека уставни измени во овој пратенички состав под бугарски диктат и во овие околности нема да има. Тој потенцираше дека местото на Македонија е во Европската Унија, но за Македонија треба да важат истите услови како и за останатите земји членки – патот на земјата кон ЕУ да биде базиран на Копенхашките критериуми без дополнителни услови“, пишува во соопштението на ВМРО-ДПМНЕ.

На денешните средби тимот амбасадори порачал дека членството на Северна Македонија во ЕУ е стратешка цел и затоа треба сите политички фактори да бараат решенија за предизвиците на патот кон Брисел.

Советот на американски амбасадори е организација со повеќе од 200 амбасадори на САД која работи во поддршка на Стејт департментот и преку мисии за утврдување на факти во странство, како што е и посетата на Македонија.

Related posts

Само 17 пратеници “за”: Зошто пропадна обидот за амнестија?

admin

Пендаровски ја налути Софија, реагира бугарското МНР

admin

КОВАЧЕВСКИ И ШОЛЕ РАЗГОВАРАЛЕ ЗА СТАБИЛНОСТА, ЕВРОИНТЕГРАЦИИТЕ И ПОДДРШКАТА ОД САД

ninja

Русија ја нападна Украина

ninja

Мицкоски – Брисел да даде гаранции дека нема да има идно вето

ninja

Османи: Одлуката на ВМРО-ДПМНЕ е лоша и непромислена

admin