Вечерва во студиото на ТВ21 во 10МИНУТИ гостуваше градоначалничката на Скопје, Данела Арсовска. За мостот „Беласица“ коментираше дека најверојатно станува збор за штета предизвикана од човечки фактор, и дека не знае колку ќе биде затворен.
„Прелиминарната истрага покажа дека се работи за фактор човек, имаме несовесни граѓани кои не размислуваат кои се штетите кои може да настанат, и тоа е нешто апелиравме и се надеваме дека МВР и ЦУК ќе ги преземат соодветните мерки да бидат елиминирани последици, а тоа е да се најдат сторителите на ова дело. Градот ги чека анализите да ги видиме извештаите од МВР и од ЦУК и да почнеме со постапување. Треба да се испита дали е безбеден, да се провери неговата статика, па потоа да се даде одговор. Знаеме дека се создава хаос, меѓутоа не зависи од Град Скопје колку ќе траат овие поправки“, рече Арсовска.