Градоначалникот на општина Битола Тони Коњановски на средба со граѓаните во акцијата “Ова е Македонија за сите” во организација на ВМРО-ДПМНЕ, повика на масовно излегување на следните парламентарни избори со цел “да се урне корумпираната власт на СДС и ДУИ”..
“Заедно да си ја споделиме маката која сите ја носиме посебно во делот на распродавањето на националните интереси на оваа наша заедничка држава. Но и да се запознаеме со проблемите кои што ги имаат посебно во овој дел на плодна Пелагонија во делот на субвенциите кои ги имаат, или споредбата како било, како е денес”, изјави Коњановски.
Коњановски потенцираше дека ВМРО-ДПМНЕ има кадар и потенцијал да ја подобри ситуацијата во руинираното здравство и иселувањето на младите од државата.
“На следните избори сите граѓани мора референдумски да излезат и да дадат поддршка на ВМРО-ДПМНЕ се со цел да се стави крај и да се каже не за оваа корумпирана и ненародна влада на СДС која што не само што не ги штити националните интереси, туку и го разнебитува и она кое што остана малку од неа.”