Русија „веќе е биде нервозна“ поради новите оружја на Киев со долг дострел, што би можело да биде една од двете клучни придобивки на Украина да има борбени авиони Ф-16.
Според поранешен британски воздухопловец, Украина долго време бара борбени авиони од западно производство од нејзините меѓународни поддржувачи, при што претседателот Володимир Зеленски ги обнови своите молби за, како што ја нарече „коалиција на борбени авиони“ за време на турнејата низ Европа претходно овој месец.
Обезбедувањето млазни авиони Ф-16, исто така, се најде пред и во центарот на голем број состаноци на самитот Г7 во Хирошима викендов.
Борбените авиони од западно производство би обезбедиле значително надградба на воздушните капацитети на Украина.
Војската на Киев моментално оперира со авиони како што е двомоторниот ловец МиГ-29 и веќе има добиено испораки на овој авион од советската ера од земји како Полска и Словачка. Опремувањето на воздухопловните сили на Украина со побрзи авиони од западно производство, сепак, претходно се сметаше за надвор од планот.
„Кога нашите пилоти ќе знаат да летаат со F-16 и кога овие авиони ќе се појават на нашето небо, тоа ќе биде важно не само за Украина“, рече Зеленски во говорот во Хирошима. „Ова ќе биде историски момент за целата безбедносна архитектура во Европа и светот.”
Придобивката од Ф-16 за Украина е двојна, според поранешниот виш командант на британските кралски воздухопловни сили и воздушен маршал Грег Багвел. Има „тактичка придобивка“ од помодерните летала, опремени со супериорна авионика, изјави тој за Newsweek, но тие може да доаѓаат и со подобрени системи за оружје.
„Претпоставувајќи дека тие се дадени заедно со авионот, тоа исто така носи цел пакет на нови системи за оружје што тие можат да ги интегрираат и користат, од кои многу се и пософистицирани и со подолг дострел од оние што веќе ги имаат“, тврди Багвел.