11.8 C
Скопје
25 февруари, 2024
Inbox7.mk
ВЕСТИНАСЛОВНАРЕГИОН

Курти со план од пет точки за смирување на тензиите на северот

Косовскиот премиер Албин Курти во вторникот изјави дека на западните дипломати им понудил план од пет точки за смирување на ситуацијата на северот на Косово, што вклучува и организирање нови избори во областа, пренесува Инбокс7.

Тензиите се големи од 26 мај, кога групи српски граѓани протестираа против сместувањето на албанските градоначалници од изборите на 23 април во општинските канцеларии, кои беа бојкотирани од српските политички партии. Во понеделник, 29 мај, протестите станаа насилни, при што беа повредени 30 припадници на мировните сили на НАТО.

Премиерот Курти рече дека првиот чекор според планот што му го предложил на шефот на надворешната политика на Европската унија Јосеп Борел и на дипломатите во Приштина е владеење на правото во четирите општини на северот на Косово.

„Ситуацијата на северот не е нормална долго време, но ескалацијата на 29 мај го натера итно да се изведат пред лицето на правдата сите оние кои употребија насилство врз косовската полиција, војниците на НАТО и новинарите“, рече тој.

Втората точка, според планот, е дека „насилните групи веднаш се повлекуваат од територијата на Косово и се забранува секое кривично дело против институциите на Косово. Врз основа на принципот на пропорционалност, соодветно ќе се намали присуството на припадниците на косовската полиција во трите општински објекти на северот од земјата“.

Според планот на премиерот Курти, косовската полиција и КФОР или ЕУЛЕКС ќе вршат заеднички безбедносни проценки на секои петнаесет дена, за да гарантираат безбедна и без ризик средина за сите, како и да ги поддржат владините мерки на законот.

„Четврто, Владата на Република Косово ќе се координира со сите актери и ќе распише предвремени избори во четирите северни општини. Новите избори мора да се организираат во слободна, демократска и непречена и либерална изборна атмосфера“, рече тој и подвлече дека петтата точка е Косово и Србија веднаш да се вратат на дијалогот со посредство на Брисел и лидерите на двете земји да се сретнат во Брисел оваа недела.

Од почетокот на кризата на северот, американските и европските дипломати бараат Косово да ги отстрани специјалните полициски единици и градоначалниците од нивните канцеларии на северот, додека Србија го врши своето влијание за да ги отстрани демонстрантите и да обезбеди учество на Србите во можното нови избори во областа како и да се намали нивото на воена подготвеност објавено на 26 мај.

 

Related posts

ЕДНА ТРЕТИНА ОД СТРУЈАТА ВЧЕРА ОБЕЗБЕДЕНА ОД УВОЗ

ninja

ВМРО-ДПМНЕ за понудата на ДУИ: Уставни измени со вакви фолирања нема да има

admin

Курти го обвини Лајчак дека ја држи страната на Србија

admin

Хил: Србија се врти кон Западот, прашањето е дали да му се верува на Курти

admin

Станува ли меѓуградскиот превоз луксуз за младите?

admin

Даути: Стратегијата за развој мора да биде инклузивна, само така ќе имаме резултати

admin