Лидерот на ВМРО-ДПМНЕ, Христијан Мицковски, во партиското седиште денеска остварил средба со амбасадорот на Европската Унија во Македонија, Дејвид Гир.
На средбата, како што соопшти Мицковски, се разговарало за актуелната економска и политичка состојба во Македонија, како и реформите кои земјава треба да ги спроведе, а кои се важни за нејзиниот пат кон ЕУ.
“На средбата истакнав дека македонската економија од ден во ден тоне, граѓаните стануваат се посиромашни, а власта не е способна да им помогне на граѓаните и бизнисот за време на кризата. Македонија премногу стои во место, власта ја доведе земјава во безизлезна состојба и затоа се потребни итни чекори и решенија, а за тоа да се случи неопходни се предвремени парламентарни избори”, соопшти Мицковски.