17.8 C
Скопје
27 февруари, 2024
Inbox7.mk
ВЕСТИНАСЛОВНАРЕПУБЛИКА

Мицкоски: Треба да се знае дека не одлучува Ахмети дали ДУИ ќе ја напушти владата

ВМРО- ДПМНЕ покажа конструктивност, која власта нема капацитет да ја валоризира. Времето ќе покаже што значел нашиот предлог, вели во интервју за Дојче веле (ДВ) лидерот на ВМРО-ДПМНЕ, Христијан Мицкоски, пренесува Инбокс7.

“СДСМ е потполно свесна за тоа што го понудив на лидерската средба, но упорната манипулација која се прави со изнесување на неточни информации и импутирање на зборови практично ја отсликува состојбата во партијата и значи отсуство на волја да се направи реален исчекор со решение кое ќе значи зачувување на идентитетот и реална и брза интеграција на државата. Дотолку повеќе што задните и вистински намери се гола пиар реторика и битка, отколку грижа за државата. Расфрлањето со пердуви е контрапродуктивно затоа што јасно е од лидерската средба дека нема договор, а сѐ уште чекаме одговор од СДСМ – кој од двата предлози кои ги понудив тие го прифаќаат. И на самата средба Ковачевски беше дециден дека нема договор, што и јас го кажав потоа во изјавите пред медиумите. Мојата цел беше да се одглават работите и да се даде поинаква перспектива на процесите, да создадеме решение кое нема да биде на штета на граѓаните и иднината на Македонија. Жалам што СДСМ пропушта голема и историска шанса”, вели Мицковски.

Тој појасни дека се уште се чека одговор од СДСМ за понудата. „Ние чекаме одговор. Непродуктивно и бесцелно е да се продолжи со какви било разговори или работни групи, ако тие не се сложуваат за предлозите кои ги дадовме. Ние ќе почекаме уште некој ден. Наместо да трошат енергија на посипување пердуви, нека имаат суштински состаноци и нека излезат со став.“

Одговорајќи на новинарско праѓање за тоа кои се точките на совпаѓање или исклучување со контрапредлогот и предлогот, Мицковски со одговор: „Она што го понудив е промена на околностите, заштита на националните интереси и европска интеграција. Првиот предлог кој го дадов е преодна влада без ДУИ, измени кои ќе стапат во сила со завршување на преговорите и членството на државата во ЕУ. Вториот предлог е избори, гаранции за националниот идентитет и јазик, економски пакет, и заштита на Македонците во Бугарија преку спроведување на пресудите на судот за човекови права во Стразбур. И измени од влада без ДУИ, поддржана од опозицијата. Она што го понуди Ковачевски се уставни измени под бугарски диктат, и широка влада со ДУИ. Не е поентата ВМРО-ДПМНЕ да дојде на власт во некаква широка влада, туку да изградиме процес и пакт за национално единство каде ќе ги заштитиме националните интереси“.

Мицковски изјавил дека има постојана комуникација со меѓународната заедница, не одбил да ги интерпретирам нивните ставови. „Но знам дека ВМРО- ДПМНЕ покажа конструктивност и грижа за иднината, која власта нема капацитет да ја валоризира. Од тој аспект – сите оние соопштенија дека ДУИ би се жртвувала за решение, но треба да се знае дека не одлучуваат ДУИ и Али Ахмети дали ДУИ ќе ја напушти Владата. СДСМ треба да се охрабри и да ја прифати подадената рака за преодна влада“.

Според него, ако се пропушти и оваа шанса, јасно е дека процесот е целосно заглавен, дека СДСМ има намера да донесе решение кое ќе биде штетно, а единствената брана за такви уставни измени ќе останат ВМРО- ДПМНЕ и пратениците кои нема да дозволат тоа да помине. „Во тој случај изборите се единственото логично решение“, додал Мицковски.

Создадоа проблем кој не можат да го решат, оценил Мицсковски, додавајќи дека „прифатија договор кој не можат да го испорачаат, ЕУ-интеграцијата на Македонија е закочена, единствено логично решение беше да се разговора за европската иднина на Македонија“.

„Тоа со задоволство го прифатив, разговарав и понудив решение и покрај тоа што не сум дел од проблемот. Целосно свесен дека можеби определени структури ќе ме нападнат, а кои се во постојана координација со ДУИ и СДСМ. Државнички и одговорно е да се носат решенија кои не се на штета на идентитетот, а обезбедуваат европска иднина. ДУИ и СДСМ одлучија преку тие платени инсталации себенаречени опозиционери да ме нападнат мене и ВМРО-ДПМНЕ. Целта за последна катарза во опозицијата пред изборите е оправдана, а времето ќе покаже што значел нашиот предлог, а кои биле слугите на ДУИ и СДСМ“, рекол Мицковски.

За условот на ДУИ прво да влезат во сила уставните измени, а потоа да ја напуштат Владата, како и нивниот предлог за ветинг на сите политички партии -претседатели, партиски функционери, пратеници, Мицковски вели дека партијата на Ахмети не е во состојба да поставува услови.

„ДУИ не е во позиција да поставува услови. Доколку СДСМ навистина го прифати еден од предлозите, тоа се: Прво, завршување на процесот сега, со одложено важење кога Македонија ќе ги заврши преговорите и ќе влезе во ЕУ, така го заштитуваме Уставот и идентитетот, нема дополнителни условувања и барања од Бугарија. ДУИ тоа го толкува поинаку, тоа е нивен проблем. Колку побргу заминат во опозиција, толку побргу на Македонија ќе и` тргне. Второ, избори наесен, поддршка на опозицијата во заштита на идентитетот многувековен, традиција, култура, обичаи и јазик пред европските институции од страна на опозицијата, економски пакет од Европската Комисија, имплементирање на пресудите од судот за човекови права во Стразбур за Македонците во Бугарија’, изјавил Мицковски.

Што се однесува за ветингот, Мицковски рекол дека неговиот став е јасен – „треба прво ветинг на политичарите и нивните блиски. Милијарди тежи капиталот на политичарите, да докажат како го стекнале и да видиме потекло на имотот, па потоа сѐ друго. Се пријавувам доброволно да бидам прв во тој процес.“

Related posts

Германија – колкав дел од платата ви оди за кирија?

admin

КАКО СЕ ОДВИВАЛА ШЕМАТА ЗА ПОТКУП НА „ТАБАНОВЦЕ“КАКО СЕ ОДВИВАЛА ШЕМАТА ЗА ПОТКУП НА „ТАБАНОВЦЕ“

ninja

Дали сме на прагот на Третата светска војна?

admin

Заврши времето на пораки во дипломатски ракавици

admin

САД го повикуваат Пекинг да го ублажи одговорот на Иран на војната меѓу Израел и Хамас

admin

„ОГНЕНИТЕ“ ЈА ДОБИЈА БИТКАТА, ДАЛИ ЌЕ ЈА ДОБИЈАТ И ВОЈНАТА?

admin