Власта нема гаранции дека сите 64 пратеници, кои го сочинуваат парламентарното мнозинство, ќе ги подржат уставните измени. Извори на „А1он“ велат дека двајца пратеници на СДСМ нема да кренат рака за отворање на Уставот, а не се знае ниту конечниот став на „огнената“ група во ДУИ, пренесува Инбокс7.
Нов проблем за Владата која упорно ги турка уставните измени, според А1он, е што Алтернатива и БЕСА се се погласни дека нема да гласаат за нив ако во Уставот не се избришат за нив навредливите „20%“, а а на иста линија е и коалицискиот партнер Арбен Таравари од Алијанса за Албанците.
Неофицијално, премиерот затоа инсистира и се надева на договор со лидерот на ВМРО-ДПМНЕ, Христијан Мицкоски кој треба да прифати некое од решенијата кои беа договорени на лидерската средба со што би обезбедило двотретинско мнозинство и во случај некој од „незадоволните“ пратеници на СДСМ да не крене рака при првото гласање за кое се потребни 80 гласа.
„ВМРО ДПМНЕ нема проблем со внесувањето на Бугарите во Уставот. Мицкоски бараше ДУИ да излезе од Влада, а тие му одговорија потврдно, потоа и ние им понудивме повеќе места за министри. Им отворивме можност за да се приклучат во Владата со цел заедно за да ја донесеме одлуката за уставни измени и потоа да одиме на избори“, коментираше Ковачевски денес на средба со новинарите.