Премиерот Димитар Ковачевски и шефот на македонската дипломатија, Бујар Османи, се сретнаа со Францускиот претседател, Емануел Макрон, со кого заедно во Братислава учествуваат на форумот Глобсек.
„Во рамки на ГлобСек во Братислава, заедно со премиерот Димитар Ковачевски, средба со претседателот на Франција, Емануел Макрон. Централна тема: европското досие на земјата и напредокот на државата во нашите европски интеграции. Франција го поддржува процесот на интеграција на Северна Македонија во ЕУ, со јасно поставени стандарди. Поздравени напорите на Франција да се вклучи во економскиот и социјалниот развој на Северна Македонија. Зајакнувањето на единството и солидарноста во евроатлантската безбедност е од клучно значење денес кога европската безбедносна архитектура се соочува со значителни предизвици“, напиша Османи на Фејсбук.