Многу мал е бројот на обвинети кои успеале да докажат дека се невини во судска постапка, а најмногу кривични дела во РС Македонија се сторени против имотот, покажуваат најновите бројки на Државниот завод за статистика, пренесува Инбокс7.
Според податоците, бројот на пријавените полнолетни лица – познати сторители, во 2022 година, во споредба со 2021 година, е зголемен за 1.6 %. Во наведениот период, бројот на осудените полнолетни лица е зголемен за 1.8 %, а бројот на обвинетите лица е намален за 0.4 %. Бројот на пријавените деца во судир со законот – сторители на кривични дела е намален за 19.7 %, а бројот на осудени деца во судир со законот – сторители на кривични дела е намален за 31.4 %.
Мажите се далеку побројни во сите видови на кривични дела, во споредба со жените.