2 март, 2024
Inbox7.mk
ВЕСТИНАСЛОВНАРЕПУБЛИКА

Османи: Уставни измени или со цело ВМРО-ДПМНЕ, или со дел од неа

Министерот за надворешни работи, Бујар Османи, рече денеска во Струга дека постои шанса за договор со опозицијата до моментот кога ќе дојде на ред првото гласање за иницијативата за уставни измени. На прес-конференцијата во рамки на ПФД2023, тој информираше дека контактите се интензивни и дека има две паралелни патеки на кои се работи со партијата, јавува Инбокс7.

„Првата патека е со опозицијата во целина, додека другата е со пратениците во Собранието“, рече Османи, додавајќи дека самиот процес на измена на Уставот има конкретни рокови и процедури.

Според него, до денот кога на пленарна седница ќе ги има првото гласање отворени се опциите за да има договор со опозицијата во однос на уставните измени.

„Се надевам дека во наредниот период драфтот ќе биде препратен од Владата до Собранието и тука ќе почне одбројувањето на роковите“, рече Османи.

Претходно од владејачката СДСМ рекоа дека ќе разговараат со колегите за да се обединат во остварување на стратешката цел, членство во ЕУ. Пратениците на ВМРО-ДПМНЕ остануваат на ставот дека во овие околности нема да поддржат уставни измени, без оглед на понудите кои би можеле да ги добијат за возврат.

По лидерската средба премиерот предложи заеднички да ги изгласаат уставните измени, а во преодните и завршните одредби да стои дека ќе важат од Втората меѓувладина конференција со ЕУ.

Мицкоски пак побара уставните измени со кои би се внеле Бугарите во Уставот, да важат на крајот од преговарачкиот процес со ЕУ, односно, кога ќе почне ратификацијата во земјите членки на ЕУ и кога Северна Македонија ќе стане членка на ЕУ, што би можело да трае повеќе години.

Related posts

Зошто Бранко Црвенковски се јави со нова иницијатива?

admin

МУНДИЈАЛОТ ВО КАТАР МЕЃУ КОНТРОВЕРЗИТЕ И КВАЛИТЕТНИОТ ФУДБАЛ

ninja

Не симнувај апликација за Вештачка Интелигенција без да го прочиташ ова

admin

ИЗРАЕЛ ОДГОВОРИ СО ВОЗДУШНИ НАПАДИ НА РАКЕТИРАЊЕТО ОД ГАЗА

ninja

Зголемени активности на македонските безбедносни служби по судирот меѓу Израел и Хамас

admin

Стоилковски до Османи: Земи креда и со големи букви напиши – УСТАВНИ ИЗМЕНИ ПОД БУГАРСКИ ДИКТАТ НЕМА ДА ИМА

admin