Портпаролот на ДУИ, Бујар Османи, одговори позитивно на понудата на лидерот на ВМРО-ДПМНЕ, Христијан Мицкоски, дека е подготвен да влезе во широка коалиција но без партијата на Али Ахмети во неа, јави Инбокс7.
“ДУИ е подготвена да поддржи Влада без ДУИ до изборите, доколку опозицијата ги поддржи уставните измени кои треба да стапат на сила пред формирањето на таа влада. Европската иднина на граѓаните е прва!”, рече Османи.
Оваа реакција доаѓа по средбата на Мицкоски со премиерот Димитар Ковачевски, каде не се постигна договор за уставните измени, од кои зависи интеграцијата во ЕУ.