Социјалдемократскиот сојуз на Македонија (СДСМ) ја поздрави колективната оставка на функционерите на ДУИ за да се исполни условот на ВМРО-ДПМНЕ за гласање на уставните измени.
“Ставајќи го државниот пред партискиот интерес ДУИ покажа одговорност кон врвната стратешка цел, европската иднина на земјата и сите наши граѓани”, соопшти денеска СДСМ.
Со одлуките на Централниот одбор на СДСМ, како и со оваа одлука на ДУИ, партијата на Димитар Ковачевски смета дека “сите услови кои ги поставуваше Мицкоски за ДПМНЕ да поддржи уставни измени се исполнети, вклучително и Влада без ДУИ.”
“Големите државнички одлуки бараат државнички капацитет и одговорност. На потег е Христијан Мицкоски да покаже и докаже дали има државнички капацитет, дали му е важна европската иднина на земјата или само својата фотелја во Белата палата. Членството во ЕУ е врвна стратешка цел, не е борба за власт туку борба за иднината на државата и од тоа СДСМ нема да отстапи. Гласот за уставните измени е глас за Европа, за сигурна и стабилна иднина. Со глас за Европа во македонското Собрание Мицкоски и ДПМНЕ имаат шанса, наместо да ја блокираат, наместо да ја одвојуваат македонската од европската агенда, да ја поддржат”, се вели во соопштениетоат.
Според СДСМ, Мицкоски треба донесе одлука, пратениците на ДПМНЕ да дадат поддршка за уставните измени и продолжување на европскиот пат. “Мицкоски мора да донесе одлука и да преземе одговорност, глас за ЕУ или изолација.”