Министерот за надворешни работи на Република Северна Македонија, Бујар Османи, кој истовремено е и претседавач на ОБСЕ, се сретна денеска во Дубровник со Габриел Ескобар, заменик помошник на државниот Секретар на САД и специјален пратеник на САД за Западен Балкан, пренесува Инбокс7.
Во фокус на разговорите биле актуелните состојби во Западен Балкан, Планот од 9 точки за деескалација на тензиите меѓу Србија и Косово, развојот на билатералните односи во рамки на Стратешкиот дијалог и потребата од забрзување на евроинтегративните процеси на Северна Македонија и земјите од регионот како споделена стратешка цел.
“Процесот на проширување на Европската унија претставува безбедносно прашање, и оттука забрзувањето на евроинтегративните процеси на земјите од Западен Балкан е од клучно значење за зачувување на стабилноста во нашиот регион, но и Европа како целина”, вели Османи.