Во периодот од синоќа 23.00 до утрово 05.00 часот , полициски службеници од СВР Тетово спровеле акциска контрола во угостителски објекти на поширокото подрачје на Тетово и Гостивар, во врска со присуство на малолетници, точење на алкохол на малолетници и нарушување на јавниот ред и мир со гласна музика, информира МВР.
“Во рамки на контролата откриени се вкупно 11 прекршоци за точење на алкохол на малолетници (пет во Тетово и шест во Гостивар), како и 18 останати прекршоци. Воедно во два угостителски објекти во Тетово, по извршено мерење со уред фонометар, констатирано е дека јачината на музиката е над дозволената законска граница. За сите констатираните неправилности на прекршителите ќе им бидат изречени соодветни санкции.”