Првиот човек на Собранието Талат Џафери во „Летен клик“ на ТВ21 рече дека расправата за потребата од гласање на уставните измени може да трае најмногу 10 дена, пренесува Инбокс7.
„До 10 дена, не значи дека ќе трае 10 дена. Може да трае 1 минута, ако нема кој да зборува, за една минута ја затворам дискусијата, процедурално“, рече Џафери.
Првиот човек на Собранието рече дека на дневен ред има само една точка, гласањето за потребата од уставни измени и дека би било бесмислено доколку на дневен ред се додадат и други точки.
„Седницата треба да се отвори, да се предложи дневниот ред, додека седницата е веќе свикана и на дневен ред е само една точка. Процедурално морам да прашам дали има предлози за промена и дополнување на дневниот ред, но во принцип за вакви седници тој не е завршен и би било беспредметно доколку се додадат други точки на дневен ред“, додаде Џафери.