Опозициската Алтернатива на Африм Гаши ја нарече ПР стратегија одлуката на ДУИ за колективна оставка од владата, која ќе стапи на сила откако ВМРО-ДПМНЕ ќе ги изгласа уставните измени.
„Денешното дволиство на Ахмети, Груби и нивните кланови сведочи за неколку работи. Прво, дека парламентарното мнозинство е далеку од 2/3 мнозинство за посакуваните уставни измени. Второ, Ахмети, Груби и нивните кланови се покажаа дека се во паника за тоа што е следно. Трето, по едно ПР-сценарио на лажно херојство, веќе видено, како „Зошто да не“, повторно се обидуваат да ја дефокусираат јавноста од нивните корумпирани и политички дамки”, се вели во реакцијата на Алтернатива.
“Алтернатива порачува, тонете уште малку во вашата кал, бидејќи по парламентарните избори, кога и да се случат, ќе давате отчет пред судските органи за сите неправди што му се направени на албанскиот народ. Часовникот отчукува!“, велат од Алтернатива.