Министерот за надворешни работи, Бујар Османи, денеска се сретна со Габриел Ескобар, заменик помошник државен секретар за европски и евроазиски прашања и специјален претставник на САД за Западен Балкан, пренесува Инбокс7.
Како што се информира официјално, во фокусот на средбата била потребата од продолжување на процесот на преговори со ЕУ преку спроведување на уставните измени.
Блокадата, се вели во соопштението, нѐ чини една милијарда евра годишно финансиска поддршка од ЕУ.
Сојузништвото во рамки на НАТО, поддршката за Украина, како и претседавањето на Северна Македонија со ОБСЕ и А5 биле исто така теми на разговорот Османи-Ескобар.
“Соработката во рамки на Стратешкиот дијалог продолжува да се развива, особено во делот на борбата со корупцијата и владеењето на правото”, се вели во соопштението.