Германската амбасада, заедно со Кинотека Скопје, Центарот за Балканска соработка Лоја во Тетово, Europe House во Струмица и Крива Паланка како и Домот на култура во Кавадарци, го организираат настанот Денови на германскиот филм, во чии рамки ќе се прикажат неколку филмови, пренесува Инбокс7.
Филмските денови ќе стартуваат на 15 септември во 20:00 часот во Кинотека Скопје со филмот „Следната врата“, црна комедија-драма во режија на познатиот германски актер Даниел Брил.
Филмовите ќе се прикажат на оригинален германски јазик со титлување на македонски и албански.
Цената на влезниците за Кинотеката во Скопје е симболичнa и изнесува 150 денари.
Влезот е бесплатен во останатите градови.
