13.8 C
Скопје
25 април, 2025
Inbox7.mk
ВЕСТИНАСЛОВНАРЕПУБЛИКА

Сарацин со директна порака: Ризикувате многу ако не ги изгласате уставните измени

Германскиот пратеник за Балканот, Мануел Сарацин, рече денеска во Скопје дека не треба да се потценува временскиот период за донесување на уставните измени, кои се предуслов да се отворат првите поглавја во преговорите за членство во ЕУ, јавува Инбокс7.

“Без уставни измени Македонија може да биде одвоена од другите на патот кон ЕУ”, порачал Сарацин.

Северна Македонија, според него, ризикува многу ако не ги усвои уставните измени во наредниот период.

“Имајќи ја предвид можноста за отворање преговори со Украина во декември оваа година, ризикот од одвојување на земјата од останатите, без исполнување на потребните европски барања е неизбежен”, вели Сарацин.

Тој оствари средби со политичкиот врв во земјата, со кои разговараше за актуелните состојби во контекст на интеграцијата во ЕУ. Вели дека Сојузна Република Германија посакува процесот на уставни измени да се заокружи што е можно поскоро.

Од власта добил благодарност за континуираната поддршка од Германија за евроинтегративниот процес, додека од опозицијата му биле упатени истите пораки дека Владата нема легитимитет за уставни измени и дека прифаќање на бугарски диктат нема да се случи.

Сарацин на средбата со претседателот на Собранието, Талат Џафери, потенцирал дека многу време е изгубено во регионот, а тековната динамика во ЕУ за забрзување на процесот на проширување не смее да се пропушти. Од тие причини, според него, важно е како ќе биде формулирано прашањето за донесување на уставните измени, но уште поважно е да не се потценува временскиот период за нивно донесување.

 

Related posts

Ретко се открива непочитување на „недела неработен ден“

admin

Европа загрижена од планот на САД за руските средства за плаќање на Украина

admin

ЕУ-интеграција: Малку напред кон 2030, малку назад кон 2018

admin

Алиу: Ќе дигитализираме 150 услуги, вака ќе се намали корупцијата

admin

Пораки за обединување, но и меѓусебни критики за Денот на македонската револуционерна борба

admin

Македонија ќе започне со враќање на пациентите повредени во пожарот во Кочани

admin