2.8 C
Скопје
1 декември, 2023
Inbox7.mk
ВЕСТИНАСЛОВНАСВЕТ

Масакар во САД: Најмалку 16 убиени, десетици повредени во масовно пукање

Најмалку 16 лица загинаа, а десетици се ранети откако вооружен маж почна да пука во североисточната сојузна држава Мејн во САД.

Двајца службеници за спроведување на законот во градот Левистон изјавија за новинската агенција Асошиетед прес под услов да останат анонимни дека бројот на жртвите од нападот најверојатно ќе се зголеми.

Американскиот медиум NBC News, повикувајќи се на неименуван службеник за спроведување на законот во Левистон, објави дека во нападот загинале најмалку 22 лица, а 60 се ранети.

Државната и локалната полиција соопшти дека стотици полицајци трагаат по осомничениот кој се дал во бегство. Тие не кажаа колку луѓе се убиени или повредени. Во Левистон живеат околу 39.000 луѓе.

Полициската управа во Левистон објави фотографија на својата Фејсбук страница од личност од интерес, именувана како Роберт Кард.

„Кард треба да се смета за вооружен и опасен“, напишаа тие, повикувајќи ги членовите на јавноста да не му приоѓаат или да контактираат.

Билтенот на државната полиција вели дека Кард бил обучен како инструктор за огнено оружје во резервниот центар за обука на американската армија во Мејн, но имал историја на проблеми со менталното здравје, вклучително и слушање гласови. 40-годишникот помина две недели во установа за ментално здравје во текот на летото, се додава во билтенот, според АП.

Полицијата претходно сподели две фотографии од брадест маж во кафена кошула со долги ракави и темни борбени панталони со автоматска пушка крената на рамо.

Related posts

Пешевски од ССМ: Нема цена што ќе натера градежен работник да работи 60 часа неделно

admin

АзА ја поздрави одлуката на САД за Рамиз Мерко

admin

Резолуцијата на САД ги обедини СДСМ и ВМРО-ДПМНЕ

admin

Рустеми: Со „Бектел и Енка“ промовираме нов, ефикасен и модерен концепт на проектирање и градба

admin

ИЛУЗИЈА Е ДЕКА ЕУ ЌЕ ГО РЕШИ ПРОБЛЕМОТ СО КОРУПЦИЈА И ПАРТИЗАЦИЈА, ВЕЛИ НИКОЛА ДИМИТРОВ

ninja

Ердоган и Киличдароглу одат во втор круг, кои се нивните стратегии?

admin