Во првото полугодие од 2023 година, просечната цена на електричната енергија за домаќинствата во Република Северна Македонија изнесува 6.737 денари по KWh, што претставува пораст од 3.9 % во споредба со второто полугодие од 2022 година, велат податоците на Државниот завод за статистика, пренесува Инбокс7.
Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.980 до 11.744 денари по KWh по групи на потрошувачи. Просечната цена на природниот гас без данокот на додадена вредност за крајните потрошувачи, освен домаќинствата, се движи од 40.357 до 57.790 денари по нм3 по групи на потрошувачи. Просечната малопродажна цена на природниот гас за домаќинствата е 69.614 денари за nm3.