28.8 C
Скопје
21 јуни, 2024
Inbox7.mk
ВЕСТИЕКОНОМИЈА

МФ: Издадена 22-та емисија Обврзници за денационализација на износ од 4,5 милиони евра

Министерството за финансии денеска ја издаде 22-та емисија на Обврзници за денационализација на износ од 4,5 милиони евра со кои се опфатени сите правосилни решенија за денационализација во период од 01.01.2022 до 31.12.2022 година со коишто како надомест се даваат обврзници.

Обврзниците за денационализација се хартии од вредност кои гласат на име, во евро валута и се неограничено преносливи. Номиналната вредност на една обврзница е 1 евро, а каматната стапка е 2% годишно. Номиналната вредност и каматата на имателите на обврзници се исплаќа во период од 10 години. Исплатата на каматата и номиналната вредност се врши еднаш во годината, односно на 10 еднакви рати, а за оваа емисија исплатата ќе започне од 1 јуни 2024 година. Имателите на обврзници за денацонализација, исто така , може да ги користат и за отплата на становите во општествена сопственост.  Со обврзниците за денационализација може да се тргува и на секундарниот пазар на Македонската берза.

Република Северна Македонија согласно Законот за издавање на обврзници на Република Македонија за денационализација,  почнувајќи од 2002 година, еднаш годишно врши емисија на обврзници за денационализација, а Владата на Република Северна Македонија со одлука годишно го утврдува износот на обврзниците за денационализација коишто се издаваат.

Државата досега има издадено 21 емисија на Обврзница за денационализација на износ од  391,2 милиони евра. Обврзници за денационализација се издаваат почнувајќи од 2002 година.

Related posts

Кој ќе ги добие клучните позиции во ЕУ по изборите?

admin

Харадинај до Албанците во С. Македонија: Не му верувајте на Курти

admin

FT: Сега има „колективен Путин“ во Кремљ

admin

Која е тајната на францускиот економски раст?

admin

Турбуленции и на Кардиохирургија: Има ли зголемена смртност?

admin

ЕК загрижена од измените на Кривичниот законик

admin